சூரியக்குளிர்

பால் வீதியின் ஒளிப்பிரவாகம்;
அச்சில் அசையும் கோள்கள் ....

தகிக்கும் சூரியன்....!

பன்னீர்  தெளிக்கும் நிலா....;
பரபரப்புகளூடே பொறுமைபூத்துக்கிடக்கும்
பூமி... ,
படைப்பின் நெடு நடையில்.....!

ஜீவிதத்தின் மீதான
கேள்விக்குறியோடு
புதிராகவே தொடரும்
 செவ்வாய்....;
சிதறிக்கிடக்கும் தாரகைகளாய்.....,
சுழலும் கோள்களாய்.....,
மின்மினிக்கோலங்கள்......


யாதொன்றும்
தீண்டல்களற்ற பெரு வெளி.....
அமைதி பூத்துக்கிடக்கிறது....
நேர் கோட்டில் சந்திக்கையில்
தெறிக்கும் நிசப்த நெருடல்கள்
தவிர்த்து.....
சலசலப்புகளை சந்திப்பதில்லை
அண்டப்பெருவெளி.....

சூரியன் குளிர்வதில்லை....

நினைவுகள் மீளும் பெரு வெளியில்
ஒரு பொடி நடை.....

அதே இரண்டு கால்கள் ......!!